Die Jaar Toe My Ma Begin Sing Het (Afrikaans, Paperback)

Dit vertel 'n raaiselverhaal met moeilik-voorspelbare ontknoping, fyn verberg in 'n netwerk van geheimnisvolle gegewens wat deur verskillende spreekstemme, vanuit verskillende perspektiewe, aangebied word. Hierdie stemme bou egter ook, in besonderheid, aan die beeld van 'n sonderling sterk karakter: "Ma". Dit is die stemme van haar kinders wat vertel van die ingrypende, lotsbeslissende invloed wat sy op haar hele gesin uitgeoefen het. So word die novelle ook 'n klein gesinsgeskiedenis, waarin subtiel en met pieteit getas word na die soet dwingelandy van liefde en lojaliteit wat deur familieverwantskappe tot stand kom. Dit is 'n verhaal van buitengewone dinge: 'n sonderlinge gesin en 'n sonderlinge gebeurtenis - oerstof vir 'n goeie storie. Maar tog word algaande waarhede van waarde vir elke mens daarin aan die orde gestel. So word die titel dan ook deel van die "wysheidsliteratuur" of "wel-lewenskuns": deur elke kind se weergawe van die moeder se ligte lewenswysheid, haar essensieel religieuse belewenis van haar lot, haar dankbare vreugde aan die skoonheid, selfs in die bitterste ongeluk. Om op 'n kunstige wyse al hierdie sake saam te laat vloei in een stormende beweging, getuig van onmiskenbare kreatiewe vermoe, en 'n buidende belofte vir die toekoms.