Liza Se Storie (Afrikaans, Paperback)

Liza se storie het ontstaan as uitvoering van 'n opdrag wat ek van God ontvang het. As vyfjarige dogtertjie is ek seksueel misbruik. Ek het dit vir dertig jaar lank onderdruk en geignoreer. Ek het nooit regtig vir iemand vertel nie, omdat ek skuldig gevoel het. Ek het my persoonlike getuienis aan die einde van die boek bygevoeg. My doel met hierdie boek is om klein dogtertjies te bereik en in te lig oor wat reg en verkeerd is ten opsigte van hul liggame. Ek wil graag ander vrouens aanmoedig om, indien hulle op enige stadium in hulle lewe seksueel misbruik is, nie verder die probleem weg te steek nie, maar professionele hulp te kry. Vergewe ook diegene wat jou skade berokken het.