Chronicon Monasterii de Bello; Nunc Primum Typis Mandatum (Paperback)

This historic book may have numerous typos and missing text. Purchasers can download a free scanned copy of the original book (without typos) from the publisher. Not indexed. Not illustrated. 1846 Excerpt: ...attingat." Nullo igitur ex assistentibus rationem contra reddente, sed omnibus simul reclamantibus, abbas orationem suam prosequitur. "Scedulam quam vobis perscribendam exigitis neque domini papae litteris hoc nobis designatum constat, nec ratio nobis aliqua ut perscribatur occurrit. Quia vero ratione dictante paceque dilectionis vestrae omnia concludi vellem, rogo quatinus induciae nobis dentur, quo dominum nostrum regem in transmarinis constitutum partibus,1 cujus capella dominica et signum coronae regiae ecclesia nostra esse dinoscitur, adire possimus, ejus praeceptum super hoc audituri, simulque consilio ipsius episcopi Hilarii cui dominus papa non vobis ut debitam exhibeamus obedientiam praecepit, uti liceat, ut omnia sano consilio compleantur. Neque enim ea quae vobis et ecclesiae huic a nobis persolvi debentur pessumdari cupio, nec nostram ex libera ancillam effici praeopto. Dominus etiam rex ne super his absque ejusdem permissione quicquam ausu temerario aggredi temptaremus prohibere curavit." Omnibus igitur inducias dare abnuentibus, quibusdam vero asserentibus dominum regem quatinus ecclesia de Bello Cicestrensi ecclesiae jus debitum persolveret illis audientibus praecepisse, et iccirco inducias dare minime debere, res diutius protracta fine potiri nequivit. Abbas vero in hoc ut sibi inducias darent quo regem super illud conveniret perstitit, simulque commemorabat se de his absque consilio et licentia fratrum suorum monachorum de Bello quicquam minime acturum fore. Dicebatenim, "se mortalem esse et moriturum, ecclesiam vero de Bello se defuncto permansuram, ideoque absque ejusdem consilio et licentia se nil acturum, inducias dari fore necessarium." Illis autem multis modis contradicentibus, multisque sententiis hoc etiam d...