Helpers uit die kryt!: Grade 10 (Afrikaans, Paperback)

Finalis - Maskew Miller Longman 2007 Letterkundeprys. "Onthou ... wanneer die ref eers `helpers uit die kryt!' geskree het, is dit net ek en hy. Dis dan wanneer geen voorvadergeeste, of tokkelossies, of towenaars, of sangomas jou meer kan help nie. Dis dan wanneer ek, en ek alleen verantwoordelik is vir my eie kakebeen." Tsepo Mathebula is `n jong man met `n besonderse talent. Hy het dinamiet in sy vuiste, maar boks is nie `n sport vir sissies nie. Nadat hy `n talentkompetisie vir amateurs wen, gebeur dinge vinnig. Die een oomblik is hy nog 'n afl eweringbode vir `n apteek en die volgende oomblik veg hy vir 'n plek in die Olimpiese span. Die res van die verhaal speel by die Olimpiese Spele van 2024 in Kaapstad af waar Tsepo en die ander lede van die Suid-Afrikaanse span moet uithaal en wys. Dis daar waar Tsepo leer dat die lewe nie net oor boks gaan nie en hoe vroumense `n man se planne deurmekaar kan krap. Helpers uit die kryt! is `n jeugverhaal propvol aksie en kleurvolle karakters uit die sportwereld. "'n Opwindende verhaal wat tot die verbeelding en avontuurlus van die jong leser sal spreek, selfs meisies of diegene wat nie aktief aan sport deelneem nie." Riana Scheepers, beoordelaar van die MML-Letterkundekompetisie Braam van der Vyver het in 1994 met `n rugbyroman, Stywe Arm, gedebuteer. Daarna het hy hoofsaaklik toneel geskryf. Sy skoletoneelstuk, Du Brein se Brein, is al sowat 150 keer opgevoer terwyl hy in 1997 die Staatsteater se pantomime, Aspoestertjie, geskryf het. In 2004 wen hy die Nagtegaalprys vir die beste Afrikaanse toneelteks van daardie jaar met Straties. Sy toneelstuk oor die lewe van Saartjie Baartman, Sarah, is in 2006 tydens die Suidoosterfees opgevoer. Tsepo Mathebula is a young man with an exceptional talent. He has dynamite in his fists but boxing is not a sport for wimps. After he wins a talent competition for amateurs, things start to change quickly.