Xijahatana: Grade 9: Novel (Tsonga, Paperback)

Ehandle ka vusweti lebyi Misaveni a langutane na byona, N'wa-Bilankulu ku ve manana loyi a nga endla leswaku Misaveni a titwa a ri ekaya. Leswi swi te swi ta cinca swinene hi ku lova ka N'wa-Bilankulu, Misaveni u sale a langutane na ku xaniseka loku-kulukumba. Misaveni, hambileswi a nga yimbanga, u kombetile ku vupfa ka miehleketo, loko a lavisisa laha nkava wa yena wu nga wa kona. U fambile mpfhuka wo leha swinene ku landzelela nkondzo wa mana wa yena, a hlula miringo yo etlela ehenhla ka mirhi, a hlula rifu ku fikelela nkutlunyo wa vuboda. Novhele leyi yo nyanyula ya CM Lubisi, mutsari loyi a nga na ntokoto, loyi a nga tlhomiwa risiva ko tala eka tibuku ta matsalwa yo hambana-hambana, u ta ku pfuna ku ti fikelela a tlhela a ku yisa eka rendzo ro ya tilavisisa. "Lexi i xitori lexi xi runguriweke hi ndlela yo xonga hi mutsari loyi a nga na ndlela yo saseka ya ku tirhisa n'wangulano lowu wu pfunaka ku va hi kota ku hambanyisa swimunhuhatwa swa yena." Profesa N.C.P. Golele, muahluri wa MML Literature Awards. Novhele leyi yi na migingiriko leyi nga pfunaka vadyondzi na vadyondzisi ku fikelela swilaveko swa kharikhulamu leyintshwa swo dyondza matsalwa.