Markdag (Afrikaans, Paperback)

Markte is toenemend gewild en elke klein dorpie en hip woonbuurt het deesdae sy eie mark, 'n gunsteling uitstappie vir oud en jonk. Die koskenners en skrywersbroer en -suster Callie Maritz en Mari-Louis Guy nooi jou uit om deel te word van die lekkerte. Hulle boek is propvol nuwe, oorspronklike en kreatiewe resepte vir self geniet of vir present-gee – of verkoop om jou inkomste aan te vul. Resepte soos waatlemoenkoek, macadamiabobotie, sjokolade afdrukke, oopgesig Aloo pasteitjies, Ouma se melktert en marshmallow reenboogkoek is maar van die baie verrassings wat wag. Elke hoofstuk is pragtig ontwerp om by elke spesifieke mark te pas. Die hoofstukke dek onder meer: Skoolkermis en fondsinsameling; Kerkbasaar; Padstalletjie; Stads- en dorpsmark; Straatkos; Wereldmark en die toekoms; Geskenke en feesviering; Boeremark. 'n Besielende visuele fees wat jou vingers sal laat jeuk om self deel te word van die volgende markdag in jou omgewing.