Ce livre historique peut contenir de nombreuses coquilles et du texte manquant. Les acheteurs peuvent generalement telecharger une copie gratuite scannee du livre original (sans les coquilles) aupres de l'editeur. Non reference. Non illustre. 1819 edition. Extrait: ...et parens qui desobeissoient aux souverains. Ha Dieu, et en icelle discipline de chevalerie n'est-il mie semblable a Scipion l'Afriquain le tresvaillant, que j'ay ja pour sa bonte plusieurs fois allegue, lequel quand il feut commis pour estre chevetaine d'un grand ost que les Romains envoyerent en Espaigne, il ordonna et feit un edict, que toutes choses superflues et sans necessite feussent chassees et ostees de l'ost? Pour lequel commandement une grande troupe de folles femmes vuiderent, et toutes manieres de marchans qui apportoient a vendre choses delicates, et sans besoing. Semblablement ce tres-vaillant homme le mareschal faict en ses armees crier soubs grande punition, que nul ne soit si hardy d'appliquer son temps en vaine oisivete, comme de jouer aux dez, ne a aultre jeu de fortune, et que il n'y ait en l'ost quelconque chose a quoy follement et vainement se puissent amuser, ne que on n'y vende chose sans necessite, et que nul n'y jure vilainement Dieu, ne maugree. Et si aucun le faict, il est griefvement puny. Et que tenir telle voye en ost soit bonne, Valere dict que un noble chevetainc de Rome, que on appelloit Metellus, prist avec soy par le commandement des Romains l'ost et la compaignee de gens d'armes que un autre chevetaine souloit mener, lequel ost avoit este si negligemment introduict, que leur valeur estoit comme toute amoindrie. Mais celuy Metellus, suivant la maniere de Scipion, tantost qu'il feut revenu en l'ost, remedia aux mauvaises coustumes que ils souloient avoir. Et pour mieulx les contraindre, defendit que nulles choses delicieuses feussent vendues en l'ost, ne que nul y eut...