Skryf Afrikaans Van A Tot Z - Die Essensiele Gids Vir Taalgebruikers (Afrikaans, Paperback)

Sedert die verskyning van die titel in 2003 was daar veranderinge op die wereldtoneel, in die Suid-Afrikaanse mediabedryf, aan die taalfront en in die praktyk van wetenskaplike teksversorging wat die hersiening van die toonaangewende stylgids genoodsaak het. Een daarvan was die verskyning van die tiende, omvattend herbewerkte uitgawe van die Afrikaanse woordelys en spelreels in 2009. In die hersiene uitgawe van SAAZ word spesiaal aandag geskenk aan die korrekte, wetenskaplike gebruik van elektroniese (naslaan)bronne. As gevolg van die verskyning van Afrikaanse poniekoerante op die plaaslike mediatoneel word daar ook kortliks gekyk na die universele verskille in die onderskeie taalbenaderings van hoofstroom- en poniekoerante. Die bestaande twee dele van SAAZ is dus hersien en bygewerk, en 'n derde, kort deel bygevoeg oor die praktyk van professionele, wetenskaplike teksversor-ging. SAAZ bevat ook 'n lys voorbeelde en verduidelikings van 100 van die algemeenste soorte foute wat in Afrikaanse skryf- en redigeerwerk gemaak word, asook 'n lys Kaapse vernakulere Afrikaanse woorde en uitdrukkings (Kaapsevlakteafrikaans).