Janet En Die Gelukbringer (Afrikaans, Paperback)

Terwyl die seiljag in die tropiese hitte deur die golwe sny, is Tessa die eerste om die eiland te gewaar. Pulau-Tai: Janet se erfporsie. Die vaal streep op die horison is 'n droom wat werklikheid word - ses sorgvrye weke op 'n Suidsee-eiland! Maar gou besef Janet en haar maats dat daar four is op Pulau-Tai. Vreemde ligte snags en onheilspellende geluide op 'n onbewoonde eiland is nie juis 'n gerusstellende werklikheid nie. Janet begin wonder oor die hout beeldtjie en die geheimsinnige manier waarop haar pa dit van Borneo af aan haar gestuur het. En dit net voordat hy en haar ma hulle noodlottige terugvaart na Kaapstad aangepak het. Is die beeldjie werklik 'n gelukbringer? Moes dit nie liewer 'n ander naam gekry het nie? Uiteindelik is dit net Janet wat aan haar eiland bly glo. Net sy wat in die senutergende gebeure 'n logiese verklaring probeer vind - en die vakansie waarna sy en haar maats so uitgesien het, word ten slotte 'n avontuur vol vreemde ontdekkings.