Willie Waugh, and Other Poems, by J. & E.C. Nicholson (Paperback)

This historic book may have numerous typos and missing text. Purchasers can usually download a free scanned copy of the original book (without typos) from the publisher. Not indexed. Not illustrated. 1884 edition. Excerpt: ...The brods stan' wide, lichts dance afore his een, There, by the fire-licht's bricht, unsteady gleam He sees a face' O God was it a dream? "'Tis she Her fair, mild face, an' peerless form Gazin' wi' thochtfu' e'e upon the storm " 'Twas then, upon the blast, was heard that wail That turn'd fair Jessie's cheek to ashes pale. Nae sooner frae the pane the head withdrew, Than doun the lane, like lichtnin', Willie flew; No' for the warl' wad he by them be seen In sic a plicht, sae wretched, lost, an' mean. His darlin' object gain'd, he took the road Back to auld Ayr, his heart still blessin' God; Though, a' that day, he hadna tasted meat, Even yet, he didna feel inclin'd to eat: Thretty lang miles, an' mair, through storm an' rain He tramp'd, yet neither felt fatigue nor pain, Except a glowin' heat within his brain. A' nicht he travell'd, but when mornin' brak, His broo, wi' inward pain, was like to crack; Then a' at ance his strength began to fail, His sicht gaed frae him, lips an' cheeks grew pale; He couldna stan', sae wisely laid him doun, Sune heavy slumber press'd his lids abune. But fate ordain'd lang there he shouldna lie; Belyve, the Glesca' carrier cam' by, Saw on the road what seem'd a deem' man, Sae kindly lifted him into his van, Took him to Ayr, nor left him till he saw His patient to the toun's-hoose borne awa There, in a dangerous state, we're forced to lea' him--Puir, luckless Will, we'll aiblins nae mair see him For his life's chance I wadna gi'e a bodle, Sae back ance mair to Glesca' let us toddle. 122 DREAMS WHILES COME TRUE. That nicht, nor May nor Jessie closed an e'e, But blissfu' were the dreams o' Edwin Lee. He fondly thocht he was at hame ance mair, Enraptured, wandering by his native Ayr, An' wha but...