Wanneer Jou Seeninge Nie Tel Nie - Herken En Verwerk Nageboortelike Distres (Paperback)

Hierdie boek - geskryf deur 'n sielkundige wat nie net in nageboortelike distres (NGD) spesialiseer nie, maar ook daaraan gely het - draai nie doekies om nie. NGD kom al meer voor en daar word gereken dat tot een uit elke drie vroue daardeur geraak word. Dit kan enigeen tref, ongeag ouderdom, ras, en sosiale, ekonomiese en gondsdienstige agtergrond. Maar al is dit vernietigend en belemmerend, kan NGD oorkom word. Linda Lewis bemagtig haar lesers met pertinente inligting en wyse raad gebaseer op haar uitvoerige navorsing asook die leers van die talle vroue wat berading by haar ontvang het. Sy deel haar eie angswekkende ervaring van NGD met jou, met die kragtige boodskap: jy kan van NGD herstel. Leer hoe om: Die vreugde en lewenslus wat jy dink jy vir altyd verloor het, terug te kry; simptome te herken en te verstaan wat met jou gebeur; die skaamte en wanopvattings hok te slaan; langtermyn probleme te voorkom; en jou gevoelens aan jou geliefdes te verduidelik sodat hulle jou die onderskraging kan gee wat jy so nodig het om hierdie uitmergelende toestand te oorkom. Met sy hope positiewe voorstelle wat uit persoonlike ervaring gebore is, is hierdie boek waarlik 'n onmisbare hulpmiddel op die pad na herstel.