Kry Styl - Jesus s'n! (Afrikaans, Paperback)

Jesus het regtig bedoel dat sy dissipels ’n genesende impak op die samelewing moet hê. So het Hyself dit laat gebeur, en so het die vroegste Christene Hom agternageleef. Die uitdaging voor ons is hoe ons almal vir die Here kan bereik. En hoe ons dit gaan regkry op stylvolle maniere, maniere wat ander mense nie afskrik nie, wat mense van God se liefde en omgee oortuig. Ons uitdaging is om vars en nuut te dink oor die stylvolle agternaleef en uitleef van ons geloof. Maar denke alleen gaan ons nie daar kry nie.

Nuwe inligting gaan ons ook nie genoegsaam verander nie. Ons kort ’n nuwe styl, Jesus s’n. Ons moet weet wat om te doen en ook wanneer om dit te doen. Ook hoe om ander hartroetes na te streef, roetes wat weer die wêreld rondom ons se verbeelding sal aangryp. Indien ons ons geloof stylvol wil beleef en uitleef, moet ons meer as net goeie tydlesers wees. Ons moet Jesus-lesers wees, mense wat vir Jesus reg aanvoel en verstaan. Dan kan ons stylvolle geloofdelers wees.