Idees - 365 Resepte Vir Die Hele Jaar (Afrikaans, Paperback)

As 'n gebrek aan tyd dikwels vaal en vervelige etes tot gevolg het, is hierdie net die kookboek vir jou. Die pragtige volkleur boek bevat 365 resepte, uiteindelik 'n resep vir elke dag van die jaar! Die boek is ingedeel volgens die maande van die jaar en bevat 'n wye verskeidenheid resepte, van gebakte eiers, viskerrie, pikante hoenderlewers, volstruisbobotie, aspersietert, hoenderpastei, soetpatats en pampoensop, gebakte skaaptjops en pasta tot die allernuutste smaaksensasies. Elke maand bevat resepte wat gepas is vir winter- of somermaande, maar laat jou toe om te besluit waarvoor jy lus het. Idees se kookboek is uiters bruikbaar, propvol inspirasie en die resepte is 100% uitvoerbaar. Perfek vir die haastige kokke, werkende ouers en bedrywige huisvrouens. Haal die stres uit spyskaart beplanning en verras jou familie met ’n paar nuwe disse!