Fontes Rerum Austriacarum; Osterreichische Geschichtsquellen. Zweite Abtheilung, Diplomataria Et ACTA. Diplomataria Et ACTA (2, V. 19) (Paperback)

. 1859 edition.: ...melius ea fungerentur, quam ego, me vero sinerent domi aliis in rebus laborare. Verum quia neque id principes spectabunt, quod ego vellem (satis scio) neque quid ipsi sint facturi possum divinare, rem colloco in manu Dei, veniam privatus (si Deus voluerit), quare de meo reditu quid scribam nescio. Reliquum est, illustris Ostroroge, ut te orem, ut tuam autoritatem interponas, ut illustris quoque dominus frater tuus suam, dominus Lenscinius suam aliique item magni viri, ut majore modestia deinceps agatur cum bonis viris, praesertim vero, ut initia ista querelarum ei dissensionum consopiantur. Nam profecto fuerunt hac in re nonnullae in Germania literae isthinc scriptae satis immodestae et virulentae, satisqne Christiano pectore indignae, agoque gratias Deo, qui me suo Spiritu continuerit, ne illas pro dignitate exceperim, sed dissimulanda et condonanda nulla putaverim. Si ego ullo meo facto aut imprudens aut sciens forte offendi aliquem ex istis nostris fratribus (quod tamen non sum mihi conscius fecisse) doleo ex animo atque, ut condonent, peto. Nec tamen hanc veniam ea conditione peto, ut a me, quem revera gravissime laeserunt, veniam petant, sed sine ulla exceptione condono, ac mallo eos tali humilitate superare, quam apologiis atque contentionibus. Ccelestis pater vestrae illustri dignitati omnibusque istis dominis et fratiibus in Christo augeat ejus thesauros, Spiritum scilicet, et fidem, det autem, cui hactenus non dedit, per unigentum filium ejus Jesum Christum dominum nostium. Tubingae Calendis Jauuarii anno 1558. Tuae illustris dignitatis observantissimus. Vergerius. 3. Bodenstein an die Bruder. Reverendis pietate et fidelitate officii ac constantia prtestantibus senioribus ecclesia fratrum in Bohemia suis in domino snspiciendis, Boleslaviw. Reverendi viri, me semper erga unitatem (quam haud frustra ita vocatis) seu piam consensionem vestram, recte affectum fuisse, et vero christiano amore prosecutum fratres, Deus novit et...