God se meisiekind - Dagstukkies vir amper tiener (Afrikaans, Paperback)

Jong meisies wonder soms: Wie is ek? Dit verras hulle dikwels om te ontdek hulle is nie wie ander se hulle is of wie hulle dalk self dink hulle is nie. Net God weet wie ons elkeen werklik is. In haar inspirerende dagboek God se meisiekind help Wynter Pitts ampertiener-meisies om God se waarhede hieroor raak te sien. In 52 dagstukkies ontdek hulle: Wie God hulle gemaak het om te wees; Hoe uniek en spesiaal hulle is; Hoe hulle in hierdie wereld pas. Ampertiener-meisies sal ontdek daar is niks meer bevredigend as om elke dag tyd saam met God deur te bring en die goddelike eienskappe van vriendelikheid, gehoorsaamheid en getrouheid uit te leef nie. God se meisiekind sal jong meisies help om hulleself deur God se oe te sien en sy waarhede toe te laat om ’n werklike verskil in hulle lewens te maak.