Thomas@aksie.net: Boek 6 (Afrikaans, Paperback)

Almal is baie opgewonde oor Thomas se kans om 'n sepiester te wees. Hy het immers 'n rol gekry in Die Malans van Marthaheim, die gewildste TV-reeks ooit! En sy medester is boonop die aantreklike Fleur Vermaak.

Maar dis die minste van Thomas se probleme. Hy wonder hoe op aarde hy sy plek in die rugbyspan gaan behou, met Billy Fourie wat na hulle skool toe kom. En hy en Alex kry deesdae skaars tyd om te gesels.

Boonop begin allerlei vreemde dinge gebeur ... lemand gooi 'n baksteen deur Thomas-hulle se skuifdeur. Die boodskap wat om die baksteen gedraai is, voorspel niks goeds nie: BLY WEG VAN MALANS VAN MARTHAHEIM. JY'T NIKS DAAR VERLOOR NIE. En Thomas is seker hy het iemand by die grillerige TV-ateljee sien rondsluip ... 'n Donker figuur met 'n jas ...