Die Bybel In Praktyk - (Met Duimgrepe) (Afrikaans, Leather / fine binding)

Reviews

Reviewed by H J. - 8 August 2009

Gebasseer op die uitstekende reeks Life Application Study Bibles in KJV, NIV, NLT ens. deur Tyndale. Die uitgebreide aantekeninge, in-teks-kaarte en tabelle is hersien deur 'n bekwame span teoloe van Suid-Afrika en is mi beter as die Engelse weergawe, omdat dit minder fokus op "my eie belang" en meer op 'n gebalanseerde, geseende lewe as kind van die Allerhoogste. Dit is mi verreweg die beste studiebybel wat in Afrikaans beskikbaar is. Leemtes is moontlik dat die 1983 vertaling hierin hom nie leen tot tematiese Bybelstudie nie, omdat belangrike woorde soos bloed, olie, lig ens verdwyn wanneer die "dinamiese ekwivalent" benadering tot vertaling gevolg word. Psalm 23 is 'n goeie voorbeeld hiervan. Die Engelse weergawe bevat twee konkordansies - tematies en woordeliks, terwyl die Afrikaanse uitgawe slegs die tematiese een behou. 'n Paar ander indekse is ook weggelaat. Indien hulle bygevoeg word en die meer letterlike 1953 vertaling gebruik word, sal so 'n naslaanbybel 'n vyfster juweel wees. Desnieteenstaande is die huidige weergawe 'n bron wat enige ernstige Bybelstudent 'n leeftyd lank kan besig hou, en die 1983 vertaling is met al sy gebreke lekker om te lees. Die uitleg werk goed omdat die boonste deel van die bladsy skoon Bybelteks is, met die aantekeninge ens onder. 4 uit 5 sterre en 'n hartlike dankie aan CUM!