Armblankes (Afrikaans, Electronic book text)

Weke voor die Sokker-wereldbeker in 2010 het die New York Times 'n artikel gepubliseer oor die "onsigbare nuwe probleem in Suid-Afrika": arm wit mense. Volgens die artikel is hierdie "probleem" 'n nuwe een wat ontstaan het na demokrasie. Edward-John Bottomley neem hierdie stelling onder die loep en neem die leser op 'n reis deur 'n Suid-Afrikaanse landskap waar daar nog altyd arm wit mense (en veral arm Afrikaanse mense) was. Bottomley wys hoe Christenskap en politiek saamgespan het om die idee van "blankes" en 'n "Afrikaner-volk" te skep en sodoende armblankes van hulself te probeer red. Hy wys hoe die "gevaar" van armoede juis was dat dit die eenheid van politieke en Christelike mag sou kon breek: deur onwelkome kontak met ander rasse in Suid-Afrika se kookpot. Met die koms van die apartheidsregering het die denkwyse versterk en is areas soos Ruiterwacht geskep – "tuisstede" waar arm wit mense onder wakende oog van die regering kon leef. Wat armblankes interessant maak, se Bottomley, is nie die feit dat hulle arm of wit is nie maar die reaksie wat hulle bestaan uitlok onder die wat die mag het.