Liedjies Vir Pikkies En Peuters (Boek & CD) (Afrikaans, Paperback)

Liedjies vir pikkies en peuters het ontstaan uit die droom van Gertie Smit, bekende opvoedkundige van Wellington. 40 versies uit die gewilde Rympies vir pikkies en peuters is deur Gertie getoonset vir die kleiner outjies van een tot drie jaar oud. Die boek bevat musieknotasie en 'n meegaande illustrasie per liedjie en is volgens opvoedkundige vereistes vir die ouderdomsgroep ook op CD, wat saam met die boek verpak is, vertolk. Die liedjies vat die vrolikheid en olikheid van hul daaglikse lewe vas en verwoord hulle leefwêreld op klankryke wyse. Só word hulle ondersteun om al die moeilike ontwikkelingstake baas te raak. Met pragtige illustrasies deur Astrid en Nadia Blumer is hierdie boek vir die tuisboekrak sowel as die klaskamer 'n aanwins.