Boer Kry 'n Vrou (Paperback)

Reviews

"Swak" by Chanele R. - 9 June 2015

Hierdie boek is werklik 'common'. Dit is geskryf om aandag te trek en niks anders nie. Dit is nie eroties nie, net plain pornografie. As jy belangstel in grafiese seks beskrywings, kan jy eerder 'n DVD koop of dit op die internet kyk. Ja ons almal het al na 'n erotiese foto of 'blou'video clip of self 'n stomende toneel op papier geloer, maar wragtig om hierdie boek 'n 'roman' te wil noem is om die woord tot sy uiterste te rek. Ek werk al jare in die boekbedryf, dus het ek 'n goeie verwysings raamwerk, en ja ek was nuuskierig gewees, soos wat enige mens sal wees. Maar hierdie boek is platvloers, iets waaruit mense net vir hulle vriende hardop gaan lees om hulle te skok. Hierdie boek is NIE vir iemand wat van seks tonele, vloekwoorde of 'n kombinasie van die twee hou nie. Dit is uiters grafies en elke bladsy bevat seks wat in detail bespreek word. Vroue word in detail bespreek asof hulle stukke vleis is wat die sogenaamde 'hoofkarakter' bloot bespring. Tafelberg Uitgewers se 'waarskuwing' agterop die boek se: "Daar is nog nooit so warm in Afrikaans op papier gevry nie" Gevry...?!? Ek dink dit is uiters onverantwoordelik van hulle kant. CD's, flieks en TV programme kry waarskuwings vir SNL, waar is hierdie boek sin? Moenie jou geld hierop mors nie - koop dan eerder 50 Shades of Grey.