Verskuif Jou Grense (Afrikaans, Paperback)

Die nuwe boek, Verskuif jou grense, deur een van die wêreld se voorste en mees gerespekteerde leierskapghoeroes en skrywers, John C Maxwell, sal nie net die lewe van sake- en ander leiers verryk nie, maar ook dié van enigeen wat professioneel en persoonlik wil groei.

In Verskuif jou grense identifiseer Maxwell sewentien kernvermoëns. Sommige is vermoëns waaroor ons reeds beskik, soos byvoorbeeld energie, kreatiwiteit en leierskap. Ander is aspekte wat ons deur ons keuses beheer, soos ons ingesteldheid, karakter en doelgerigtheid Maxwell bestudeer en ontleed elkeen van hierdie sewentien kernvermoëns en gee duidelike en doenbare raad om jou te help om jou potensiaal in elk van hierdie kernvermoëns te laat groei. Hy help jou ook om jou kritieke kernvermoëns te identifiseer, te laat groei en aan te wend. As jy eers deur die plafon van jou vermoëns gebreek het, sal jy al hoe meer suksesvol en vervuld begin leef.

Die boek bied praktiese raad en is in drie dele verdele, wat as drie stappe aangebied word:

• Deel I – Bewustheid: Verskuif die grense van jou potensiaal

• Deel II – Potensiaal: Ontwikkel die vermoëns waaroor jy reeds beskik

• Deel III – Keuses: Doen die dinge wat jou potensiaal vlerke gee