En Die Engele Het Stil Geraak (Afrikaans, Book)

Dis vroeg in die laaste week. Die rekwisiete en spelers vir Vrydag se drama is almal op hul plek. Die sesduimspykers is in die blik. ’n Dwarsbalk leun teen die skuur se muur. Doringtakke is om ’n traliewerk gedraai en wag om deur ’n soldaat se vingers gevleg te word. Die spelers is op pad na die verhoog. Pilatus is besorg oor die aantal Pasga-pelgrims. Annas en Kajafas is rusteloos oor ’n ongedurige Nasarener. Judas kyk met onderduimse oë na sy meester. ’n Hoofman oor honderd is teenwoordig en wag op die volgende kruisigings. Maar dis geen toneelstuk nie; dis ’n goddelike plan. ’n Plan wat begin het nog voor Adam die hemel se asem gevoel het, en nou wag en kyk die hele hemel. Alle oë is op een figuur: die Nasarener. Hy verlaat Jerigo en stap na Jerusalem. Sy laaste reis. Selfs die engele swyg. Hulle weet dis geen gewone wandeling nie. Hulle weet dis geen gewone week nie. Want aan hierdie week hang die deur van die ewigheid. Kom ons loop saam met Hom. Kom ons kyk hoe Jesus sy laaste dae deurgebring het. Kom ons kyk wat vir God saak gemaak het.