Radikaal - Reguit praat oor al die issues in jou lewe (Afrikaans, Book)

Jy is klaar met die dinge van 'n kind. Die grootmenslewe le oop voor jou, met al die uitdagings, keuses en geleenthede wat dit inhou. In radikaal skryf 'n hele klomp jong mense wat jou lewe en jou issues ken oor hulle ervarings, opinies, teleurstellings, ouers, vriende, geld, liefde, hulle verhouding met God en hulle medemens. Daar is skrywers soos Ryk Neethling, Mandi du Plooy, Arno Jordaan, Barbara-Marie Venter en baie ander. Geniet die reis deur hierdie opwindende tyd. En wanneer jy soms oorweldig voel deur alles in jou en om jou, onthou - God hou elke dag jou hand styf vas.