Ce livre historique peut contenir de nombreuses coquilles et du texte manquant. Les acheteurs peuvent generalement telecharger une copie gratuite scannee du livre original (sans les coquilles) aupres de l'editeur. Non reference. Non illustre. 1824 edition. Extrait: ...par homme expres, response de tout ce qu'il auroit a dire et faire. Il s'en est passe plus de huict, pendant lesquels il mande qu'ung lacquais du sieur de Grammont, a qui son paquet auroit este baille, l'a dechire, craignant d'en estre trouve saisi marchant sans passeport; et depuis ledict sieur de Villeroy n'a aultres nouvelles. J'adjouste que M. de La Chastre, qui avoit promis a vostre majeste de se trouver a Halincourt, n'en a rien faict. Cela me faict penser que ces gens veullent voir l'evenement du secours de Rouen, pour rencherir leurs conditions, s'il reussit, et qu'ils trompent ledict sieur de Villeroy le premier, lequel, certes, je n'ai poinct apperceu y proceder de mauvais pied. Toutesfois, sire, comme je desire avoir esgard a la dignite de vostre majeste, en ne monstrant de rechercher trop la fm de ceste negotiation, aussi ai je estime ne debvoir soubdainement abandonner l'utilite de son service, en la laissant du tout, tandis qu'il en restera quelque espoir. Qui est cause que j'ai este fort aise, que M. de La Verriere ait voulleu prendre la peine d'aller trouver vostre majeste, pour lui deduire tout ce qui s'y est passe, dont il est tesmoing oculaire, et pense qu'il est du service de vostre majeste qu'il soit oui en presence des principaulx de vostre conseil, afin qu'on cognoisse la sincerite de vostre majeste en la poursuite de la paix tant desiree de tous, et qu'il n'y a poinct de la faulte de ceulx qu'il a pieu a vostre majeste y employer. Entre ci et son retour, nous verrons ce que M. de Villeroy produira; et je recevrai les commandcmens de vostre...