Die Armageddon-Kode - 'n Soektog na Antwoorde oor die Eindtyd (Afrikaans, Paperback)

Baie mense het ’n obsessie oor die laaste dae. Met die stand van die wêreld tans – oorlog in die Midde-Ooste, terreuraanvalle deur ISIS in ons stede, onstabiele ekonomieë, erge natuurrampe – is die vraag in baie gelowiges se gedagtes: Beleef ons tans die eindtyd? In Die Armageddon-kode het die joernalis Billy Hallowell die menings van die voorste Bybel- en profesiekenners sowel as talle gerekende stemme in die Christenwêreld versamel om jou die mees deurslaggewende inligting oor hierdie onderwerp te bied. Want as jy al enigsins iets oor die eindtyd of die boek Openbaring gelees het, sal jy weet daar is geensins een klinkklare antwoord oor wat ons in dié skrikwekkende tyd kan verwag nie.

Die Armageddon-kode is ’n moet-hê-boek vir enige eindtyd-entoesias – nadat jy dit gelees het sal jy met gesag kan saamgesels oor al die verskeie opvattings omtrent die eindtyd, en dit sal jou help om jou eie opinie te vorm.