Die Groenmambas en Shaka se spies (Afrikaans, Paperback)

Hy het net ingestap toe 'n man uit een van die hokkies strompel. Met sy een hand hou hy sy maag vas en in sy ander hand is daar 'n pakkie wat met bruinpapier toegedraai is. Die man pyl op Zuki af en druk die pakkie in sy hande. Vat. Steek ... weg. Moenie dat hulle dit kry nie. Nie ... na die ... polisie, kreun die man en sak inmekaar op die vloer. Zuki, Alisha, Xavier en Inge is in Graad 7 en hulle was nog altyd goeie maats. Die vier beland gedurig in die middel van een of ander avontuur. Dis die dat hulle in Graad 3 besluit het om hulself die Groenmambas te noem. Op 'n skooltoer na Durban word die Mambas weer onverwags by 'n raaiselagtige moord betrek. Moderne kinders sal maklik identifiseer met hierdie spanningsverhaal omdat dit so seepglad aangebied word soos 'n TV-reeks. Wat ons hier kry, is lewendige dialoog eerder as dooie beskrywings; kort tonele met baie aksie wat afgespeel word op herkenbare plekke soos Durban, in strate en geboue wat werklik bestaan; en gereelde verwysings na nie-fiktiewe helde soos Ryk Neethling en Schalk Burger. Marita van der Vyver