Fotoplakwerk - Begin by die begin (Paperback)

Fotoplakwerk: begin by die begin is anders as die meeste ander fotoplakboeke deurdat dit die klem op die foto's plaas eerder as die tooisels wat hulle so maklik kan oorweldig. Hierdie boek met tegnieke as die vertrekpunt - alles duidelik met stap-vir-stap foto's geillustreer. Elke tegniek, oorspronklikes sowel as tradisioneles, word verder toegelig met pragfoto's van fotoplakbladsye waar die tegniek gebruik is. Die boek wemel van deeglik beproefde wenke, en besparingsvoorstelle word deurgaans gemaak. Met basiese sowel as gevorderde tegnieke bied dit al die inligting wat jy nodig het om te begin, maar ook genoeg om gevorderde fotoplakkers nader te lok. Meer as 150 voorbeeldblaaie sal jou inspireer en leer, en die uitgebreide byskrufte gee nog bykomende inligting eerder as om die ooglopende te herhaal.