Huisgenoot Lag- En Liegstories (Afrikaans, Paperback)

Hierdie stewige versameling van 165 lag- en liegstories is 'n keur uit die beste stories wat lesers van oor die hele land aan Huisgenoot gestuur het in reaksie op die twee wedstryde wat hierdie gewilde gesinstydskrif in die loop van 2002 gehou het: een in Huisgenoot self en een in samewerking met RSG ("Die waarheid het nie brieke nie"). DIe stories van die 10 finaliste van elke wedstryd is ingesluit by hierdie versameling met sy ryk verskeidenheid staaltjies: rare ware stories, spekskietstories en slaplagstories; kortes en langes; splinternuwes en bekendes uit die volksmond opgewoema met nuwe kontrei kleur; laastelagstories en skaamkrystories. Plesierige lyntekeninge deur Fred Mouton dra by tot die vermaaklike bundel wat heeljaar deur die ideale geskenk is vir 'n beswaarde gemoed, en natuurlik vir die Kerslys.