So Was Dit: Stories Van Gister En Vandag (Afrikaans, Paperback)

So was dit beskryf 'n plattelandse leefwereld waar eenvoud en outydse waardes die botoon voer. Die verhale is propvol enigmatiese karakters, vreemde gebeure en stofpaaie na afgelee plase. Die versameling aangrypende en humoristiese stories dokumenteer nie net 'n wereld wat vinnig aan die verdwyn is nie, maar beskryf ook die menslike kondisie. Op die oppervlak gaan dit dalk oor windpompe, skuurdanse, aande deurgebring om Aga-stowe, Boerejode in die Hantam, mooi ou motors en vakansies by die see. Maar in werklikheid spreek dit universele temas aan soos liefde, armoede, vriendskap, sterflikheid en ouerskap. Die skrywer se bree verwysingsraamwerk en wye ervaringsveld as deurwinterde joernalis voeg unieke insigte en grativas by al die verhale. Met titels soos "'n Mooi en lekker begrafnis", "Die Ondervelders gaan stad toe" en "Vier vryers en 13 pap wiele" is die leser verseker van 'n besonder genotvolle leeservaring.