Sukses vir elke dag (Afrikaans, Electronic book text)

In Sukses vir elke dag werp dr. John C. Maxwell nuwe lig op die aard van sukses. Hy wys daarop dat sukses nie 'n bestemming of 'n voorwerp is nie; dit is 'n proses – 'n reis wat onderneem moet word. Sukses lê in ons daaglikse roetine. Die enigste manier om ware sukses te bereik, is om dit elke dag van nuuts af aan te pak. Dr. Maxwell deel insigte soos die volgende om jou op jou pad na sukses te help: Jy is wat jy elke dag doen; Eers vorm jy jou gewoontes, dan vorm jou gewoontes jou; Gewoontes wat tot sukses lei en gewoontes wat tot mislukking lei, word ewe maklik aangekweek. Sukses vir elke dag spog met pragtige volkleur-drukwerk en ’n duursame hardeband. Dit is ’n nommerpas-geskenk vir mense wat graag hul lewensdoel wil ken, saad wil saai tot ander se voordeel en só hul volle potensiaal bereik.