Mosaiek: Jou volledige gids (Afrikaans, Paperback)

Hordes mense word meegesleur deur die wereldwye mosaiekkoors, maar min boeke bied nuttige inligting en wenke asook die tipiese slaggate waarin jy kan trap. Baie inligting oor die internet is algemeen en onduidelik en min hou die Suid-Afrikaanse kunstenaar in gedagte. Met hierdie boek deel Karin Wainwright al die geheime van die mosaiekkuns. Sy bied 25 stap-vir-stap unieke en besonderse projekte met hope wenke en nuttige inligting. Die projekte kan vir die huis of as geskenke gemaak word en sluit onder meer 'n strykyster, babaskoene, eksotiese teeliggies, klippiesplaveiselblok en stapklippe vir jou tuin in. Hier is 'n projek vir 'n ieder en 'n elk – of jy nou gesout of 'n groentjie is!