Net die oortjies van die seekoei, en ander Afrikaanse idiome (Afrikaans, Paperback)

Net die oortjies van die seekoei volg op die sukses van Kobus Galloway se versameling geillustreerde Afrikaanse idiome,’n Wolf in skaapsklere. Die prettige en opvoedkundige inslag van hierdie versameling sal ongetwyfeld groot byval vind en, soos met sy voorganger, uitstekende verkope geniet. Afrikaanse idiome waarvoor daar nie plek in ’n Wolf in skaapsklere was nie, is in hierdie boek byeengebring saam met die wonderlike illustrasies wat Galloway as ’n huishoudelike naam gevestig het. Die volblad-illustrasies word deur nog idiome en verklarings agter in die boek aangevul. Lesers van alle ouderdomme sal daarvan hou, en onderwysers en skoliere sal dit besonder bruikbaar vind. Soos met Galloway se vorige boek, sal die uitgawe help verseker dat idiome van vroeg reeds ’n tuiste in die mond van jong sprekers kry, en dat die pragtige skat van Afrikaans lank behoue sal bly.