Vroue Wat Glo: 'n Bybeldagboek (Afrikaans, Paperback)

'n Bybeldagboek wat verskil van ander versamelings oordenkings of dagstukke. Dit is geskryf vir vroue deur vroue. Vroue van verskillende ouderdomme, verskillende agtergronde en met wyd uiteenlopende lewens. Net ander vroue weet ten diepste hoe dit voel om 'n gelowige vrou in uitdagende tye te wees. Daarom het Finesse tydskrif vroue genooi om te skryf oor hulle gunsteling vers in die Bybel, oor wat God vir hulle beteken en wat hulle doen om hulle geloof vir die wereld te wys. Elke dagstuk sal met jou hart praat. Daar is verhale oor vriendskap, Christenskap en troos wat God se liefde en wysheid vir jou sal bevestig. Jy sal ontdek dat jy nie alleen is nie en groei in jou geloof terwyl jy nadink oor temas soos ... die rede waarom jy hier is hoe om op te hou bang en bekommerd wees; die volle betekenis van vergifnis; hoe goed dit vir jou is om foute te maak; wat jy kan doen om met krag te bid; die vreugde van 'n goeie selfbeeld. God het jou lief. Jy het susters wat jou verstaan en weet wat jy nodig het om energie en lewenslus vir jou dag te he. As jy sukkel met negatiwiteit, kritiek, veroordeling, twyfel en vrese, moenie moedeloos word nie. Gee vir jouself elke dag die paar minute wat jou siel nodig het om versterk en verfris te word. Hierdie dagboek deur gewone vroue sal jou stil word tye buitengewoon maak.