Om Met Vuur te Speel (Afrikaans, Paperback)

Die aantreklike Matt Marais is doodmoeg na ’n aand se harde werk as ’n brandbestryding-vlieënier, maar sy nuwe bure hou van oorverdowende musiek. Sasha Harold met haar groot bruin oë dink Matt is die man wat haar pizza aflewer en sy’s glad nie spyt dat hy dit sommer kaalbolyf doen nie.

Nie een van die twee is egter in die mark vir ’n verhouding nie: Matt omdat hy nog die josie in is ná die verbrokkeling van sy verhouding met die mooi maar oppervlakkige Lexi, en Sasha omdat sy ’n wêreld van moeilikheid agter haar laat.

Boonop stem Matt nie saam met die wyse waarop Sasha haar drome wil najaag nie. Ten spyte van haar waarskuwing – sy is moeilikheid met ’n hoofletter M – maak sy steeds gevoelens in hom wakker. Sy laat hom aan ’n verterende vuur dink en as hy nie versigtig is nie, gaan sy hom vaskeer. Die hemel weet: Hy wil nooit weer sy vingers verbrand nie.

Hoekom het sy haar gerieflike lewe in die Kaap agtergelaat? Sal hulle vir mekaar ’n heenkome en veilige hawe kan bied?