Ultrasatyn 3 (Afrikaans, Paperback)

In Syne vir altyd moet Gideon en Bianca mekaar weer in die oë kyk ná hul kaskenades tydens Tess en Jan-Daniel se verlowingspartytjie. Nie een van die twee soek ’n langtermynverhouding nie, maar dit maak wel sin om die tydjie in die Bosveld ten volle te benut. Dis immers net ’n week en niemand sal tog só vinnig gevoelens ontwikkel nie . . .

In Die drieweek-reëling weet Ella en Quinn nie hulle het ses maande gelede na ’n groot misverstand amper mekaar se harte gebreek nie. Nou kan die twee nie hul oë en beslis nie hul hande van mekaar afhou nie. Ella oorweeg dit om ’n werksaanbod in Londen te aanvaar. Maar by Quinn het haar hande, haar lyf, haar mond ’n wil van hulle eie. Sal sy binne drie weke kan besluit of sy eerder op Stellenbosch moet bly?