Ander Mens (Afrikaans, DVD)

Ander Mens vertel die spanningsvolle verhaal van Daniël Niemand, een van die lewe se slaansakke, wie se omstandighede onherroeplik verander nadat sy vrou hom los vir hulle huweliksberader en ’n skelm werkgewer sy saai bestaan heeltemal omvergooi.

Voordat hy sy oë kan uitvee, word hy nie net deur die polisieman, Johannes Ackermann, as lokaas gebruik om dié krimineelbaas vas te trek nie, maar word hy ook die slagoffer van ’n hele reeks misverstande. Hoewel dié chaos tot groot tragedie lei, help dit hom ook om ’n belangrike persoonlike oorwinning te behaal.

Ander Mens is gebaseer op Zirk van den Berg – se topverkoperroman, Nobody Dies (later vertaal as ’n Ander Mens), wat in 2014 bekroon is met 'n kykNET-Rapportprys.