Mebala ya Dikgomo (Tswana, Paperback)

Mokwadi wa bukana e, e le maithuwane mo patlelong ya bokwadi o kopilwe a bo a tlhotlhelediwa ke bomme ba ba eteletseng thuto ya dikereite (Grades) pele go e kwala. Ka bukana e, mokwadi o leka go leka go tlhagisa le go tlhalosa mebala ya dikgomo jaaka e ntse. Seno e le go leka go arabela patlego ya lenanathuto la dikereite. Ka jalo e kwaletswe go dirisiwa ke bona barutwana ba dikereite le barutabana ba bona. Barutwana botlhe ba dikolo tsa poraemari le bona ba lalediwa go e latlhela bofofu gore ba tle ba itse ba bo ba tlhaloganye mebala ya medimo e e nko e metsi e leng boswa jwa Motswana go tloga kwa ga Lowe. Batswana botlhe ba gakolole moo go tlhaelang teng gonne tiro yana eno go se matshamekwane. Kwa bokhutlong ke lebisa ditebogo go nkgonne Prof. J.E. Setshedi wa Yunibesthi ya Bophuthatswana, Moh.C. Bodenstein le Ms N. Motlhala jaaka ba ne ba nkema nokeng ka dinako tsotlhe.