The Whole Works (10 ) (English, Latin, Paperback)

. 1650 edition.: ...371. Id. ibid. Ad Aradios spectat illud, quod in chronico Eusebiano legitur: "Curtius Salassus in insula Arado cum quatuor cohortibus vivus combustus est, quod tributa gravius exigeret." De Labieno, quem Pompeianarum partium fuisse in libro centesimo et vigesimo octavo notavit Livius, apud Plutarchum in Antonio, ita legimus: "Cum Parthorum essent circa Mesopotamiam suspensae copiae, quarum Labieno auspiciis Parthicis creato imperatore adorituri regii duces erant Syriam, Alexandriam a Cleopatra Antonius est abductus." Unde corrigendus est Iocus a consarcinatore Parthicorum Appiani" hinc traductus: qui Labienum a regiis ducibus Alexandriam deducendum fuisse, inepte innuit. Verum bujus expeditionis originem et progressum plenius hunc in modum Dio explicat. Post cladem Philippensem Labienus, quum adversariorum nemini veniam daturos victores putaret, potius sibi cum barbaris vivendum ratus quam in patria pereundum, apud Parthos remansit: ac ubi primum Antonii desidiam amoremque et profectionem in iEgyptum intellexit, Parthis inferendi Romanis belli author fuit; quorum exercitus partim periissent, partim damnum accepissent, reliqui autem inter se dissiderent ac denuo ad bellum deventuri intestinum essent; quare regi suasit, ut dum in Italia Caesar Sexti Pompeii causa detineretur, Antonius autem. in iEgypto amori indulgeret, ipse Syriam et vicinas ei regiones subigeret: se autem ducem belli futurimi, ac ita multos populos, qui Romanis propter damna, quibus ab iis continuis affligebantur infensi erant, ad defectionem permoturum pollicitus esf. Hoc sermone quum regem ad bellum gerendum adduxisset, acceptis ab eo magnis copiis, filioque regis Pacoro, in Phoenicen irruit; ac Apameam aggressus, a muro rejectus, praesidia in ea regione posita deditione voluntaria accepit. Ea ex militibus Cassianis ac Brutianis constabant, quos Antonius in suum exercitum allectos, Syriae tum, regionis nimirum ejus peritos, custodiendae relique...