Suurlemoenseisoen - Genees en Herstel Jou Lewe (Afrikaans, Paperback)

Die suurlemoen is een van die mees veelsydige vrugte in die natuur – dit kan ingespan word vir reiniging, genesing, skoonheid en geursel in kos. Suurlemoenseisoen bevat 52 werkstukke wat ontwerp is om die suur van die lewe te neem en dit te verander in iets soets.

Die verskillende onderwerpe is in ’n spesifieke volgorde gekies:

1. Reinig: die skoonmaak van wonde

2. Genees: die heling van wonde

3. Mooi maak: die vermooiing van letsels

4. Geur – sout: Selfs wanneer dinge vir ons suur lyk, is die Here goed. Leer hoe om na die lewe te kyk en dit raak te sien.

5. Geur – soet: Ons word oortuig van God se goedheid te midde van spatsels suur.

Die boek wil lesers help om anders na hul lewe en omstandighede te kyk en te begin dink in terme van die liefde en goedheid van God as ’n Vader, Verlosser en Vertrooster. Om te besef dat daar in Hóm altyd ’n oplossing is vir selfs die suurste suur wat die lewe kan opdis.