Kreatiewe Borduurwerk Met Vloeikleurgave (Paperback)

Borduurwerk bly immergroen en nuwe maniere word voortdurend gevind om eeue-oue tegnieke interessanter te maak - soos die gebruik van vloeikleurgare. Die oorspronklike ontwerpe en projekte in die titel is so by mekaar gesit dat dit die gare en die borduurstyle ten beste vertoon, van ryk gouedraadwerk tot die stylvolle eenvoud van lintborduurwerk. Ander borduurstyle sluit in swartwerk, casalguidi, naaldgaaswerk, lappieswerk, hardanger en stumpwerk. Lieflike volbladfoto's van elke voltooide projek; Stap-vir-stap foto's en aanwysings; Patrone en diagramme vir elke gegradeerde projek; Geillustreerde stekegalery'. 'n Heerlike bron van inspirasie vir borduurders van alle vaardigheidsvlakke.